रव्याचे रुमझूम

केळी, रवा, साखर आणी थोडंस दुध हे सगळे मिक्सरला फिरवून एकजीव करणे. नंतर हे मिश्रण एका पातेल्यात काढून त्यात नाचणीचे व तांदळाचे पीठ, तूप, मीठ, वेलची पूड, दूध घालून सरसरीत करणे.

हे मिश्रण फार पातळ होणार नाही याची काळजी घ्यावी. हे सगळे करताना एकीकडे नाॅनस्टिक तवा गॅस वर थोडे तूप घालून तापत ठेवावा व मिश्रणात फ्रूटसाॅल्ट घालून ढवळून घ्यावे.

तापलेल्या तव्यावर छोटे छोटे डोसे घालवे, पण ते पळीने पसरवू नये. तव्यावर झाकण ठेवून पाच मिनिटे वाफ येऊ द्यावी. नंतर उलटून दुस-याबाजूने खरपूस भाजून घ्यावे.

तयार रव्याचे रूमझूम वर ड्रायफ्रूट पुड, चाॅक्लेट साॅस किंवा मध घालून त्याचा आस्वाद घ्यावा.

टिप:- हेच रुमझूम एकतारी पाकामध्ये घातले तर केळाचा मालपूवा म्हणून पण खाऊ शकता.