तुपाच्या बेरीचा रवा केक

प्रथम मिक्सर च्या भांड्यात १/२ वाटी दही, १/२ वाटी पिठीसाखर व १/२ वाटी तुपाची बेरी घालून मिश्रण एकजीव करून घ्यावे. त्यात १ वाटी रवा घालून एक झटका द्यावा. रवा फूलण्यासाठी मिश्रण भांड्यात काढून १० मिनिटे बाजूला ठेवून द्यावे.

एकीकडे कूकर मध्ये तळाशी वाळू किंवा मीठ टाकून त्यावर ऊंची वाढविण्यासाठी एखादे भांंडे किंवा स्टँड ठेवावे. १० मिनिटांसाठी कुकर प्रिहीट करून घ्यावा.

मिश्रण सरसरीत होण्यासाठी लागेल तसे दुध घालवे. सिलिकॉन केक मोल्डला तुपाचा हात फिरवून घ्यावा. मिश्रणात चिमूटभर मीठ व १/२ चमचा फ्रूट साॅल्ट (इनो) घालावा व मिश्रण फुलून येईपर्यंत ढवळावे.

तूप लावलेल्या सिलिकॉन मोल्ड मध्ये मिश्रण अर्ध्या पर्यंत ओतावे व तापलेल्या कुकरमध्ये ४५ मिंटासाठी मंद अाचेवर ठेवून द्यावे.

४५ मिंटानंतर केक झालाय का हे तपासण्यासाठी त्यात सुरी खुपसून पाहावी. सुरीला जर मिश्रण चिकटले नाही तर केक तायर झाला असे समजावे. केक थंड झाल्यावर त्याचा आस्वाद घ्यावा.

टिप कुकर तापवायच्या आधी कुकरची शिटी व रिंग (गासकेट) काढून ठेवावी. कपकेक साठी साधारण २० - २५ मिनिटे लागतात.